Juventus po afrohet gjithnjë e më shumë drejt emërimit të Luciano Spallettit si trajner i ri, me mediat nga Italia që bëjnë me dije se një njoftim zyrtar dhe prezantim mund të ndodhë që nga e enjtja.

Sipas Sky Sport, Spalletti ka arritur një marrëveshje paraprake për të marrë drejtimin e Bianconerëve, vetëm pak kohë pasi Igor Tudor u shkarkua dje pas një serie rezultatesh të dobëta.

Pas një nisjeje të fortë të sezonit, Juventusi ka pasur vështirësi, dhe një periudhë pa fitore dhe pa gola përshpejtoi largimin e Tudor nga klubi.

Ky do të jetë posti i parë i Spallettit në një klub që nga viti 2023, kur ai u largua nga Napoli pas dy vitesh në drejtim.

Për dy vitet pasues, trajneri italian udhëhoqi përfaqësuesen e Italisë, duke marrë drejtimin e skuadrës kombëtare pas dorëheqjes surprizë të Robert Mancinit.

Në qershor 2025, pas një humbjeje 3-0 ndaj Norvegjisë, Spalletti u shkarkua nga përfaqësuesja dhe zhvilloi ndeshjen e fundit si trajner kundër Moldavisë.